Yozgi transferlar uchun kim qancha mablag‘ sarfladi?

FIFA yakunlangan yozgi transferlar oynasidagi moliyaviy hisobotlarni e’lon qildi.

Unga ko‘ra yangi futbolchilarni sotib olish uchun eng ko‘p mablag‘ni APL klublari sarflashgan – 1,36 mlrd dollar. Ikkinchi va uchinchi o‘rinlar esa La Liga (1,17 mlrd) hamda A Seriya (701 mln) klublariga tegishli.

Eslatib o‘tamiz, joriy yozning eng qimmat transferini “Atletiko” Madrid amalga oshirdi. “Matraschilar” 126 mln evro evaziga “Benfika”dan Joau Feliksni sotib olishdi.