Юлиан Нагельсманн нега "Реал"нинг таклифини рад этган эди?

"РБ Лейпциг" бош мураббийи Юлиан Нагельсманн нега 2018 йил "Реал"дан бўлган таклифни рад этганини изоҳлади.

“Менга “Реал”дан таклиф бўлганди, аммо ўшанда буни ўзим учун нотўғри қадам, деб ҳисоблаганман. Агар “Реал” мураббий қидирса ва мен бўш бўлсам, келажакда улар билан бу борада яна гаплашишга келишиб олдик”, - дейди германиялик мутахассис.

2018 йил Зинедин Зидан кутилмаган қарори билан “Реал”дан кетгач, жамоа унинг ўрнига мураббий қидирган. Нагельсманн эса улардан бири эди.

Юлиан бошчилигидаги “РБ Лейпциг” жорий мавсум Бундеслигада 3-ўринни эгаллади ва айни дамда Чемпионлар лигасида курашни давом эттирмоқда.