Юрген Клопп: АПЛда чемпионлик пойгаси сўнгги тургача давом этади
Ads

"Ливерпуль" клуби бош мураббийи Юрген Клоппнинг сўзларига кўра АПЛда чемпионлик пойгаси сўнгги тургача давом этади.

“Биз “Ньюкасл”га қарши ўйинимиз якунланмагунича “Манчестер Сити” “Лестер” билан қандай ўйнаганидан бехабар эдик. Биз учун энг аҳамиятлиси ҳозирги формамизни сақлаб қолишмиздир. Чунки, ҳали чемпионлик пойгаси давом этади ва унда “Тоттенхэм”, “Манчестер Сити”, “Челси” ва “Арсенал” иштирок этади. Соврин тақдири эса сўнгги турда ҳал бўлади”, - дейди германиялик мутахассис.

Эслатиб ўтамиз, “Ливерпуль” айни дамда иккинчи поғонада бораётган “Тоттенхэм”дан 6 очко кўп тўплаган ҳолда пешқадамлик қилмоқда. Кучли учликни эса “Манчестер Сити” якунлаб турибди. Мерсисайдликлар 20-турни ўз майдонларида "Арсенал"га қарши ўтказишади. Ушбу баҳс 29 декабрь куни бўлиб ўтади.