Юрген Клопп Италиядан футболчи танлади
"Милан" ҳужумчиси Рафаэль Леау фаолиятини "Ливерпуль"да давом эттириши мумкин, деб хабар беради "Sky Sport" нашри.
Манбага кўра, мерсисайдликлар бош мураббийи Юрген Клопп Португалия терма жамоаси аъзосининг хизматларига шахсан ўзи қизиқмоқда. 24 ёшли футболчи ўтган ёзда Италия клуби билан шартномасини узайтирганди (2028 йилнинг 30 июнига қадар амал қилади).
"Transfermarkt" портали уни 90 миллион еврога баҳоламоқда. Жорий мавсумда Леау барча мусобақаларда 20 та ўйинда қатнашиб, тўрт марта рақиблар дарвозасини ишғол қилди ва жамоадошларига бешта голли узатма берди.
Фикрлар