Юрген Клопп жамоасида "Бавария" ярим ҳимоячисини кўрмоқчи

"Ливерпуль" бош мураббийи Юрген Клопп клубнинг ёзги трансфер мақсадларини айтиб ўтди.

"Daily Mail" нашрининг хабар беришича, германиялик мутахассис "Бавария"га тегишли нидерландиялик ярим ҳимоячи Райан Гравенберхни сотиб олишни талаб қилмоқда.

Аввалроқ ОАВ 21 ёшли футболчи учун курашда “қизиллар”нинг асосий рақиби АПЛнинг яна бир вакили – “Манчестер Юнайтед” эканлигини хабар қилганди.

Гравенберх 2022 йилнинг ёзида Амстердамнинг "Аякс" клубидан Мюнхен жамоасига ўтган эди. Ўтган мавсумда Райан немис гранди сафида 33 учрашувда қатнашди. "Transfermarkt" портали уни 30 миллион еврога баҳоламоқда.