Юрген Клопп: Йигитларим тарих яратмоқда

"Биз ажойиб ўйнадик. Узун паслардан сўнг 50 га 50 бўлган вазиятлар кўплаб содир этилди. Вазиятлар борасида биз бугун яхши ҳаракат қилдик.

Биринчи гол киритилган вазиятда омад ҳам бироз биз томонда бўлди. Учрашувни тўлиқ назоратимиз остида ўтказдик. Агрессив, аммо қоида бузмаган  ҳолатда ўйнадик.

"Бёрнли"да қарши ҳужумлар вақтида кўплаб яхши имкониятлар юзага келди. Бундай вазиятларга тайёр туриш керак. Ҳимоя чизиғимиз ҳам чиройли ўйин кўрсатди. 

Мен жамоага келганимда, йигитларга ўз тарихимизни яратишимиз кераклигини таъкидлаган эдим ва футболчиларим буни аъло даражада уддалашмоқда", - деди германиялик мутахассис.