Yurgen Klopp: Yigitlarim tarix yaratmoqda

"Biz ajoyib o‘ynadik. Uzun paslardan so‘ng 50 ga 50 bo‘lgan vaziyatlar ko‘plab sodir etildi. Vaziyatlar borasida biz bugun yaxshi harakat qildik.

Birinchi gol kiritilgan vaziyatda omad ham biroz biz tomonda bo‘ldi. Uchrashuvni to‘liq nazoratimiz ostida o‘tkazdik. Agressiv, ammo qoida buzmagan  holatda o‘ynadik.

"Byornli"da qarshi hujumlar vaqtida ko‘plab yaxshi imkoniyatlar yuzaga keldi. Bunday vaziyatlarga tayyor turish kerak. Himoya chizig‘imiz ham chiroyli o‘yin ko‘rsatdi. 

Men jamoaga kelganimda, yigitlarga o‘z tariximizni yaratishimiz kerakligini ta’kidlagan edim va futbolchilarim buni a’lo darajada uddalashmoqda", - dedi germaniyalik mutaxassis.