Юрица Бульят ва Александар Алемпиевич “Бунёдкор”ни тарк этди
Тошкентнинг “Бунёдкор” жамоаси қишки ўқув-машғулот йиғинининг биринчи босқичини якунлади. Сергей Лушчан ўз шогирдлари билан 15-28 декабрь кунлари Тошкентда тайёргарлик жараёнини олиб борди.
Ушбу йиғин давомида Виктор Кумиков бошқарувидаги “Олмалиқ” жамоаси билан назорат учрашуви ўтказилди ва унда Достонбек Ҳамдамов томонидан киритилган иккита гол “Бунёдкор”га 2:0 ҳисобида ғалаба келтирди.
Якунланган мавсумда “Бунёдкор” шарафини ҳимоя қилган Юрица Бульят ва Александар Алемпиевичнинг клуб билан тузган шартномалари якунланганлиги боис улар жамоани тарк этишди. Аввалроқ Минори Сато ҳам "қалдирғочлар"ни тарк этгани ҳақида хабар берилганди. Япониялик футболчи Қатарнинг “Ал Муаитер” клуби билан шартнома имзолашга ҳам улгурди.
“Бунёдкор” вакилларига 4 январга қадар таътил эълон қилинди.
Фикрлар