Юрий Проценко қай ҳолатда Азамат Нуфтиллаев билан реванш ўтказиши мумкинлигини маълум қилди

Украиналик ММА жангчиси Юрий Проценкони ўзбекистонлик аралаш жанг санъатлари ихлосмандлари жуда яхши танишади. Ушбу спортчи ўз вақтида Мурод Хонтўраев, Музаффар Раджабов билан ҳам жанг қилган. 

Жорий йилнинг 19 февраль куни U1 ҳамда "Октагон" промоушени томонидан Тошкентда ташкил қилинган жанг кечасида Проценко яна бир маҳоратли вакилимиз Азамат Нуфтиллаев билан жанг қилган ва дуранг натижа қайд этганди. 

Биз украиналик жангчи билан боғланиб, яна юртимизга ташриф буюриши ва Азамат Нуфтиллаев билан эҳтимолий реванш жанги ҳақидаги фикри билан қизиқдик. 

"Барча мени таниганларга салом. Ҳозир бизда нотинч вазият ва бу борада бирор фикр билдира олмайман. Реванш борасида гапирадиган бўлсам, ҳаммага гап пулга боғлиқ!",-деди Проценко.

Эслатиб ўтамиз, Юрий Проценко профессионал фаолияти мобайнида 20 та ғалаба, 12 та мағлубият ва 2 дуранг қайд этган.