"Юве" Пьяничдан Саррининг "эркатойини" Туринга олиб келиш учун фойдаланмоқчи

"Ювентус" ва "Челси" клублари ёзги трансфер ойнаси вақтида ўзаро футболчи алмаштиришга тайёрланишмоқда.

Италиялик журналист Фабрицио Романо маълумотига кўра, томонлар ярим ҳимоячи Миралем Пьянич ва хавбек Жоржиньони алмаштириш бўйича музокараларни бошлаб юборишган.

Бунгача босниялик футболчи "Барселона" билан шахсий шартнома масаласида келишувга эришгани, шунингдек, ПСЖ Пьянич учун Леандро Паредесни бериш ниятидалиги хабар қилинган эди.