“Юве” Роналдуга рақобатчи олиб келади

“Ювентус” раҳбарияти “Челси”дан кетиш пайида юрган Оливье Жируни жамоага олиб келиш ҳаракатига тушиб қолди.

Бу футболчи муҳим голларни уриши билан машҳур. Франциялик форвард Чемпионлар лигасининг навбатдаги турида “Севилья” дарвозасига тўртта гол урганидан кейин унинг харидорлари янада кўпайиб кетди.

Ўзи иштирок этаётган ўйинларда гол ураётганига қарамай, Жиру Лондон клубида етарли даражада ўйин амалиётига эга бўлмаяпти. У Франция терма жамоаси таркибида Европа Чемпионатида иштирок этиш учун мунтазам майдонга тушиши керак.

Шу боис, тажрибали ҳужумчи “Челси”дан тезроқ кетмоқчи. Турин клуби уни ёзда эркин агент сифатида қабул қилишга тайёр.  Бироқ, “Ювентус” мутасаддилари футболчи билан январь ойидаёқ шахсий шартнома бўйича келишиб олишни режалаштирмоқда.

Андреа Пирло Жируни асосий ҳужумчилар – Криштиану Роналду ва Альваро Моратага рақобатчи сифатида кўряпти.