"Юве" хавбеки жароҳат сабаб "Верона"га қарши ўйинда жамоасига ёрдам бера олмайди

"Ювентус" ярим ҳимоячиси Федерико Бернардески соғлигидаги муаммо сабаб А Серияси 23-тури доирасида "Верона"га қарши ўйинни ўтказиб юбориши мумкин.

Турин клуби расмий сайти хабарига кўра, 25 ёшли футболчи мушаклари шикастланганлиги сабабли жамоанинг сўнгги машғулотларини ўтказиб юборди.

Жорий мавсумда Бернардески "бьянконерлар" сафида 21 та ўйинда майдонга тушиб, 1 та гол ва голлик узатма муаллифи бўлди.