"Ювентус" - финалда!

Италия Кубоги ярим финалидан ўрин олган "Ювентус" - "Интер" баҳсининг жавоб учрашуви ўз ниҳоясига етди. Учрашув 0:0 ҳисобида якунланди. Дастлабки учрашувда туринликлар 2:1 ҳисобида ғалаба қозонгани боис, финалга йўл олди. Финалда "Юве"га ким рақиб бўлишини эса эртага бўлиб ўтадиган "Аталанта" - "Наполи" учрашуви орқали билиб оламиз.

Финал билан "Ювентус" мухлисларини муборакбод этамиз!

• 90+5'
  

  Учрашув якунланди! "Юве" 1-ўйиндаги ғалабаси эвазига финалга йўл олди! Матнли трансляцияда сиз билан Абдулла Маннонов бўлди. Эътиборингиз учун раҳмат!

• 90+4'
  

  "Интер" сўнгги бурчак тўпини тепди. Омадсиз.

• 90+3'

  "Интер" ҳимояси ҳам омадли ўйнамоқда.

• 90+'
  

  Учрашув асосий вақтига 5 дақиқа вақт қўшиб берилди.

• 89'

  Марцело Брозович жарима майдончаси ичига умид берувчи узатмани амалга оширди, бироқ тўп ҳимоячилар томонидан яна узоқлаштирилди.

• 87'
  

  "Юве" вақтни чўзиш мақсадида ўзгариш амалга оширмоқда: Деян Кулусевски ўрнига Федерико Кьеза ўйинга қўшилди.

• 85'

  Сўнгги дақиқалар даҳшатли штурмлар остида кечмоқда. "Ювентус" бор кучи билан ҳимояланмоқда. Кузатамиз, балки мўжиза юз берар...

• 82'
  

  "Ювентус"да ўзгариш: Хуан Куадрадо ўрнига Жоржо Кьеллини ўйинга қўшилди.

• 81'

  Ашраф Хакими ажойиб имкониятдан унумли фойдалана олмади! Унинг зарбаси Буффон дарвозасининг чап устунига тегиб майдонни тарк этди!

• 78'

  Дарвозага йўлланган жами зарбалар сонининг айни дамдаги статистикаси: 9-15!

• 76'
  

  Деян Кулусевски тўпни ажойиб тарзда қабул қилиб олди ва ўнг бурчакка зарба берди! Дарвозабондан ажойиб сейв!

• 73'
  

  Марцело Брозович қўполлиги учун сариқ карточка билан огоҳлантирилди.

• 71'

  Ханданович Роналдунинг зарбасини қайтарди, бурчак тўпи ижро этилади.

• 67'
  

  "Интер" сафида бирйўла икки ўзгариш амалга оширилди: Алессандро Бастони ва Кристиан Эриксен ўрнига Александр Коларов ҳамда Стефано Сенси майдонга тушишди.

• 66'
  

  Перишич қўполлиги учун сариқ карточка олди.

• 65'
  

  Криштиану Роналду бирга-бир вазиятга чиқиб кетганига қарамай вазиятдан гол ура олмади! Дарвозабондан супер сейв!

• 62'
  

  Ўзгариш: Федерико Бернардески ўрнига Уестон Маккенни ўйинга қўшилди.

• 60'

  Тўп назорати "нерадзуррилар" томонда.

• 58'
  

  Матео Дармиан ўрнига Иван Перишич ўйинга қўшилди. Ўзгариш.

• 56'

  "Интер" ажойиб жамоавий ўйин намойиш этмоқда. Барчаси жуда чиройли ва тартибли.

• 53'

  Қанотда тўпни қабул қилиб олган Хакими тўпни дарвозага йўналтирди, тўп бирозгина юқорилаб кетди.

• 52'

  Лаутаро Мартинез очиқдан-очиқ тўп билан ўйнаб юборди.

• 50'

  Роналду тўпни биронта шеригига етказиб бера олмади ва зарба берди. Тўп баландлаб кетди.

• 49'

  Лаутаро Мартинез тўпни очиқ турган Лукакуга етказиб берди, Лукаку эса вазиятни чўзиб, тўпни йўқотди.

• 48'
  

  "Интер" бурчакдан тўпни ўйинга киритиб беради.

• 47'

  Хакими тўпни ўнг қанотдан жарима майдони ичига узатиб берди. Узатма яхши чиқди, бироқ тўп ҳимоячилар томонидан эгаллаб олинди.

• 46'
  

  Иккинчи бўлим бошланди.

• 45'

  Футболчилар майдонга қайтишмоқда. Биз ҳам қайтамиз.

• 45'
  

  Биринчи бўлим якунланди. Танаффус.

• 44'
  

  Такрорий бурчак зарбасини Хуан Кудрадо ижро этди.

• 43'
  

  Федерико Бернардески бурчакдан тўпни ўйинга киритиб берди, бироқ ҳимоячилар яхши ўйнади.

• 41'

  Криштиану Роналду жарима тўпини ўз услубида ижро этди, бироқ тўп жонли деворга тегиб йўналишини ўзгартирди.

• 40'

  Марцело Брозович рақиб ҳужумини яхши тўхтатиб қолди, бироқ у қоидани ҳам бузди. Ҳакам жарима зарбаси белгилади.

• 38'

  Ашраф Хакими дарвозабон билан яккама-якка вазиятга чиқиб кетиши мумкин эди, сўнгги сонияда у ҳимоячи томонидан тўхтатилди.

• 35'

  Хакими тўпга хавфли чиқиб келди. Бош ҳакам фол қайд этди.

• 34'
  

  Марцело Брозовичда ҳисобни ўзгартириш имконияти мавжуд эди, бироқ унинг зарбасини Жанлуижи Буффон қайтарди.

• 32'
  

  Лукакунинг якка ўзи ўйиндан ташқари ҳолатда қолиб кетди.

• 31'
  

  Бурчакдан тўпни ўйинга Кристиан Эриксен киритадиган бўлди.

• 30'
  

  Хакими бурчак тўпини ижро этди. Юзага келган хавфли вазият "Интер" фойдасига бурчак зарбаси билан якунланди.

• 29'

  Лаутаро Мартинезнинг зарбаси ҳимоячилардан бирига тегиб майдонни тарк этди. Ўнг бурчакдан тўп ўйинга киритилади.

• 29'
  

  "Интер" бурчак тўпи ишлаб олди. Ашраф Хакими уни ижро этади.

• 26'

  Кристиан Эриксен қанотдан жарима майдончаси ичига тўпни ҳаволатиб етказиб берди, Лукакунинг бош билан берган зарбаси эса дарвозанинг чап устунига тегиб майдонни тарк этди!

• 25'
  

  Алекс Сандро қўпол подкати учун сариқ карточка билан огоҳлантирилди.

• 24'
  

  "Интер" бурчак тўпини қисқа пас билан амалга оширди.

• 22'

  Ашраф Хакими жарима майдони ташқарисида тўпни қабул қилиб олди ва зарба берди! Бироқ зарба блокланди!

• 19'

  Алессандро Бастони жарима майдони ичига тўпни етказиб бера олмади.

• 16'

  Ромелу Лукаку тўпни ичкарига узатди, бироқ ҳимоячилар уни қайтарди.

• 13'
  

  Маттео Дармиан қўполлиги учун сариқ карточка билан жазоланди.

• 11'
  

  Маттео Дармиан офсайдда қолиб кетди.

• 10'

  Лаутаро Мартинез жарима майдончаси яқинида йиқитилди. Жарима тўпи.

• 6'

  Бернардески жарима майдончаси ичидаги Рабьога тўпни узатди, Адриен уни эгаллаши лозим эди, бироқ вазият кўкка совурилди.

• 5'

  Марцело Брозович ўта қўпол ўйин намойиш этди. Ҳакам уни оғзаки огоҳлантирди.

• 4'

  Қисқа паслар билан ўйин чиройли тарзда олиб бориляпти. "Ювентус"нинг жамоавий ўйини ўта тактикавий ва ўйланган тарзда ўтказиляпти.

• 2'

  Федерико Бернардески ҳужумда фол қайд этди.

• 1'
  

  Учрашув бошланди!

• 0'

  Футболчилар майдонга чиқиб келишмоқда. Ўйин бошланиш арафасида.

• 0'

  Ассалому алайкум, қадрли футбол ихлосмандлари! Италия Кубоги ярим финал баҳсига хуш келибсиз! Учрашувни сиз билан Абдулла Маннонов кузатиб боради.