"Ювентус", "Барселона" ва "Ливерпуль" бир футболчи учун курашади

"Вулверхэмптон" клуби вингери Адам Траоре фаолиятини Италияда давом эттириши мумкин.

Sport Mediaset нашри тарқатган хабарга кўра, 24 ёшли испаниялик футболчини “Ювентус” ўз сафида кўрмоқчи. Бу борада туринликларга "Барселона" ва "Ливерпуль" клублари рақобат кўрсатиши мумкин.

АПЛ клуби эса уни 80 млн евродан камига сотмоқчи эмас. Аммо, унинг айни дамдаги трансфер нархи 25,5 млн еврони ташкил этади.

Траоре жорий мавсум “Вулверхэмптон” сафида жами 48 та ўйинда майдонга тушди ва 6 та гол ҳамда 12 та голли узатмага муаллифлик қилди.