"Ювентус" рақиб жамоанинг уч футболчисини илиб кетмоқчи

 "Ювентус"  бир вақтнинг ўзида "Аталанта"нинг уч нафар футболчисига қизиқмоқда. Туринликлар бу футболчиларни ёзда сотиб олишга ҳаракат қилади.

Гап ҳужумчи Матео Ретеги ҳақида кетмоқда, аммо ҳозирда у Турин клубининг учинчи рақамли трансфер мақсади ҳисобланади.

La Gazette Dello Sport хабарига кўра, "Ювентус" биринчи навбатда 30 ўйинда 17 гол ва 7 голли узатма амалга оширган Адемола Лукманни қўлга киритишга ҳаракат қилади. Нигериялик футболчининг нархи 55 миллион евро.

Иккинчи мақсад эса 50 миллион евро баҳоланган ярим ҳимоячи Эдерсен бўлиб турибди.

27-турдан сўнг "Ювентус" 52 очко билан А Серия турнир жадвалида тўртинчи ўринда бормоқда.

9-март куни Турин клуби ўз майдонида айнан "Аталанта" билан ўзаро учрашув ўтказади.