"Ювентус" 14 карра Италия Кубоги соҳиби!

"Аталанта" ҳамда "Ювентус" жамоалари ўртасидаги Италия Кубоги финали ўз ниҳоясига етди. Финал Андреа Пирло шогирдларининг 1:2 ҳисобидаги иродали ғалабаси билан якун топди ва "Кекса синьора" ўзи учун ўта қийин кечган ушбу мавсумни титулсиз якунламайдиган бўлди.

Дастлаб, 31-дақиқада Деян Кулусевски чиройли голи билан жамоасини ҳисобда олдинга олиб чиққан бўлса, 41-дақиқада Руслан Малиновский гол уриб, орадаги фарқни тиклади. Учрашувнинг 73-дақиқасида "Ювентус"нинг ёш аъзоси Федерико Кьеза жамоасига ғалаба келтирган голга муаллифлик қилди ва туринликлар якунда совринни қўлга киритишди. Ғалаба билан барча "Ювентус" мухлисларини табриклаб қоламиз!