"Ювентус" 19 ёшли португалиялик футболчи учун 120 млн евро тўлашга тайёр

Туриннинг “Ювентус” клуби “Бенфика” ярим ҳимоячиси Жоау Фелиш учун курашда фаворит ҳисобланмоқда.

AS нашри тарқатган хабарга кўра 19 ёшли португалиялик футболчи “кекса синьора”нинг ёзги трансферлардаги асосий мақсадига айланган. А Серия гранди Фелишнинг шартномасида кўрсатилган 120 млн евро товон пулини тўлашга тайёр. “Ювентус” спорт директори Фабио Паратичи ушбу таклифни аллақачон “Бенфика” раҳбариятига етказган.

Таъкидлаш керакки, Фелишга шунингдек «Манчестер Юнайтед», «Барселона», «Реал» ва «Атлетико» клублари ҳам даъвогарлик қилишмоқда.

Маълумот учун, Фелиш жорий мавсум Португалия чемпионатида жами 16та ўйинда майдонга тушди ва ўз ҳисобига 9та гол ҳамда 4та голли узатма ёздириб қўйишга эришди.