"Ювентус" 58 йиллик антирекордни такрорлади

"Ювентус" Италия чемпионатининг 28-тур учрашувида "Аталанта"дан йирик мағлубиятга учради (0:4).

Меҳмонлар 29-дақиқада Матео Ретеги томонидан амалга оширилган пеналти эвазига ҳисобни очишди. Иккинчи бўлимда Жан Перо Гасперини жамоаси яна уч бор туринликлар дарвозасини ишғол қилишди.

"Opta" маълумотларига кўра, бу 1967 йил октябрьдан бери "Ювентус"нинг А Серия доирасида ўз майдонида тўрт ёки ундан кўп тўп фарқи билан мағлуб бўлишининг илк ҳолати. 58 йил олдин ҳам худди шундай натижа Турин дербисида "Торино"га қарши учрашувда (0:4) қайд этилган эди.

Тиаго Мотта жамоаси 52 очко билан турнир жадвалининг тўртинчи ўрнини эгаллаб турибди. "Аталанта" эса 58 очко билан учинчи поғонада жойлашган.