"Ювентус" "Аталанта" ярим ҳимоячисини сотиб олади

"Аталанта" клуби хавбеки Деян Кулусевски "Ювентус"га ўтишга жуда яқин турибди.

Италиялик журналист Фабрицио Романонинг хабар беришича “кекса синьора” 19 ёшли швециялик футболчининг трансфери бўйича келишувга эришган. Унга кўра “Юве” Кулусевски учун 35 млн евро тўлайди. Энди улар фақатгина футболчининг ўзи билан шахсий келишувга эришишса бас.

Маълумот учун, Деян Кулусевски бу мавсум “Парма”да ижарада тўп сурмоқда. У 19 та ўйинда майдонга тушиб ўз ҳисобига 4 та гол ҳамда 7 та голли узатма ёздириб қўйишга эришди.