“Ювентус” “Барса”га яна зарба бермоқчи

Чемпионлар лигасида “Барселона”ни Каталонияда ер тишлатган “Ювентус” трансферлар бозорида ҳам Куманни доғда қолдирмоқчи.

Куни кеча Рональд Куман қишки трансферлар вақтида “Челси” ҳимоячиси Антонио Рюдигерни олиш бўйича бир қарорга келган эди. Энди германиялик футболчини Андреа Пирло ўз жамоасига оғдирмоқчи.

Рюдигер туринликлар сафида фаолиятини якунлаш арафасида турган Жоржо Кьеллини ва Леонардо Бонуччининг ўрнини эгаллаши керак бўлади.

27 ёшли ҳимоячи А Серияда ўйнаш бўйича тажрибага эга экани ҳам “Ювентус”га устунлик беради. “Челси” январда бу футболчини қўйиб юборишга тайёр. Рюдигернинг трансфер суммаси 18 миллион евродан бошланади.