"Ювентус" "Барселона" билан футболчи алмаштиришга тайёрланмоқда

"Ювентус" спорт ишлари бўйича директори Фабио Паратичи "Барселона" билан футболчи алмаштириш бўйича музокаралар ўтказаётганини тасдиқлади.

"Бу сафар трансфер бозорига катта бюджет ажрата олмаймиз. Шундай экан, агар сен уй сотиб олиш имкониятинг бўлмаса, унда уни ижарага олишинг ёки бошқа йўл қидиришинг керак бўлади.

"Барселона" билан футболчи алмаштиришимиз мумкин, масалан Пьянич ўрнига Артур. Катта клублар бир бирлари билан нафақат трансферлар масаласини, балки келажак режаларини ҳам муҳокама қилиб туришади. Айни вақтда "Барса" вакиллари билан мулоқотларни бошлаганмиз", - дея Паратичи сўзларидан иқтибос келтирмоқда Sky Sport Italia.