"Ювентус" "Барселона" футболчисига 10 млн евро таклиф қилмоқда

"Ювентус" клуби "Барселона" ҳимоячиси Хуан Мирандага қизиқиб қолди. Бу ҳақда Diario Sport нашри хабар тарқатмоқда.

Юқоридаги манбаага кўра туринликлар 19 ёшли испаниялик футболчини жорий қишки трансферлар давридаёқ сотиб олишмоқчи ва бунинг учун каталонияликларга 10 млн евро таклиф қилишмоқда. Бу маблағ бонуслар ҳисобига яна 5 миллионга ошиши мумкин.

Ўз навбатида “кўк-анор ранглилар” истеъдодли футболчисини қўйиб юбормоқчи эмас.

Маълумот учун, Миранда айни дамда “Шальке”да ижарада тўп сурмоқда. У бу мавсум гельзенкирхенликлар сафида бор йўғи 3 та ўйинда иштирок этди холос. Унинг “Барселона” билан амалдаги шартномаси эса 2021 йилга қадар имзоланган.

Фикрлар

Фикр қолдириш учун авторизациядан ўтинг!