"Ювентус" бош мураббийлик учун яна бир номзодни кўриб чиқмоқда

Туриннинг "Ювентус" клуби раҳбарияти бош мураббий Массимилиано Аллегрининг ўрнига муносиб номзод қидиришни давом эттирмоқда.

Sportmediaset нашри тарқатган хабарга кўра “кекса синьора” шорт-листида Франция терма жамоаси устози Дидье Дешам ҳам бор. Таъкидлаш керакки, 50 ёшли франциялик мутахассис “Юве” учун бегона эмас. Боиси, у 2006/07 йилги мавсумда жамоани Б Сериядан А Серияга олиб чиққан эди.

Эслатиб ўтамиз, бундан аввалроқ туринликлар Маурисио Почеттино ("Тоттенхэм"), Жан Пьеро Гасперини ("Аталанта") ва Леонарду Жардим ("Монако") каби мураббийлар номзодини ҳам кўриб чиқишаётгани ҳақида хабарлар тарқалган эди.