"Ювентус" бу футболчини трансферга қўймайди!

Туриннинг “Ювентус” клуби ярим ҳимоячиси Адриен Рабьо янги мавсумда ҳам Массимилиано Аллегри жамоасида қолиш эҳтимоли катта.

Италиялик инсайдер Ромео Агрестининг ёзишича, франциялик футболчи ҳозирда “кекса синьора”нинг трансферга қўйиладиган футболчилари рўйхатида йўқ.

Манба, шунингдек, футболчининг МЛС жамоаларидан бирига ўтиши мумкинлиги ҳақидаги миш-мишларни ҳам рад этди. Қайд этилишича, Аллегри келаси мавсумда Рабьога умид боғлаган, чунки у франциялик футболчи таркибда рақобатни кучайтиришига ишонмоқда.

Эслатиб ўтамиз, аввалроқ Рабьо "Челси"га ўтиши мумкинлиги ҳақида ҳам миш-мишлар тарқалган эди, аммо “аристократлар” ярим ҳимоячига ҳали жиддий қизиқиш билдиргани йўқ.