"Ювентус" дебютант майдонида очко йўқотди

Италия А Серияси 4-туридан ўрин олган "Кротоне" - "Ювентус" учрашуви якунланди. Унда 1:1 ҳисоби қайд этилди.

Дастлаб, 12-дақиқада Сими ҳисобни очган бўлса, кўп ўтмай, Альваро Мората ҳисобдаги фарқни йўққа чиқарди.

Ушбу натижадан сўнг, туринликлар онлайн турнир жадвалида 2-ўринга кўтарилиб олган бўлса, "Кротоне" сўнгги поғонада жойлашган.

• 90+7'
  

  Учрашув якунланди! Матнли трансляция Жавоҳир Азимов томонидан олиб борилди!

• 90+5'

  Мората ҳужумда қоидани бузди. Альваро тўпни қўли билан ўйнаган эди.

• 90+4'

  Фработта тезликда ўтиб кетаётган рақибини қўполлик билан тўхтатиб қолди.

• 90+2'

  Бонуччи дарвозабон билан бирга-бир вазиятга қочиб кетаётган рақибини зарарсизлантирди.

• 90'
  

  Асосий вақтга 7 дақиқа қўшиб берилди.

• 87'

  Майдон эгалари ўйин сўнгида тўпни ўзларида ушлаб турибди.

• 84'
  

  Мезбонлар аъзоси сариқ карточкага лойиқ кўрилди.

• 82'

  "Ювентус"га ғалаба кўпроқ керакка ўхшайди. Улар ҳужумда фаолроқ кўринмоқда.

• 79'
  

  Гол бекор қилинди! Мората офсайдда қолиб кетган экан.

• 77'

  Бош ҳакам ВАРга қулоқ солмоқда. Эҳтимолий офсайд текширилмоқда.

• 76'
  

  ГООООООООООООЛЛЛЛЛЛЛЛЛ! Мората жамоасини ҳисобда олдинга олиб чиқди.

  Куадрадонинг узатмасини Альваро дарвозага тўғирлаб юборди.

• 73'
  

  Лука Силигарди ва Андреа Рисполи майдонга тушди. Улар ўрнига Педро Перейра ҳамда Милош Вулич захирага олинди.

• 70'
  

  Кулусевски ҳамда Артур захирага олинди. Улар ўрнига Рабьо ва Бернардески майдонга тушди.

• 68'

  Меҳмонларнинг навбатдаги Моратанинг ноаниқ узатмаси туфайли узилиб қолди.

• 66'

  Бир киши кам бўлиб қолган "Юве" футболчилари ҳужумга ўтишга бироз қийналмоқда.

• 63'

  Моратанинг бош билан йўллаган зарбаси устунга тегиб, дарвозабон қўлларига келиб тушди.

• 61'
  

  Лука Чигаринига тиббий ёрдам кўрсатилмоқда.

• 60'
  

  Бош ҳакам Кьезани майдондан четлатди. У Лука Чигаринининг оёғини босиб олган эди.

• 59'

  Майдон эгаларининг навбатдаги стандарт вазияти бесамар якунланди.

• 56'
  

  Хуан Куадрадо Маноло Портанова ўрнига ўйинга қўшилди.

• 54'

  "Кротоне"нинг ҳужумлари тобора хавфли тус ола бошлади.

• 52'

  Жуниор Мессиас ҳаводан келаётган тўпга зарба бера олмади.

• 51'

  Туринликлар майдон марказида тўпни назорат қилмоқда.

• 48'

  Сими жарима майдони ичида тўпни ўзига бўйсундира олмади. Буффон тўпни эгаллаб олди.

• 46'

  Бентанкурнинг зарбаси хавфли тус олди. Бироқ озгина аниқлик етишмади.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз!

• 45'
  

  Биринчи таймга вақт қўшиб берилмади. Танаффус!

• 44'
  

  Яқин масофадан берилган кучли зарбани Буффон қайтарди.

• 43'

  Мезбонларнинг жарима майдони марказига узатган тўпини ҳимоячилар қайтарди.

• 41'

  "Кротоне"нинг тезкор қарши ҳужумини кўпчилик бўлиб зарарсизлантирди.

• 40'

  Жанлука Фработтининг зарбасига аниқлик етишмади.

• 37'

  Буффон олдинга югуриб чиққан ҳолда, рақибларининг хавфли ҳужумини бартараф этди.

• 35'
  

  Бурчакдан оширилган тўпга "Юве" футболчиларидан ҳеч ким ета олмади.

• 32'

  Меҳмонларнинг жарима майдонига иккинчи қаватдан узатган тўплари ўтмаяпти.

• 29'

  Футболчилар тўп учун курашга киришдан қайтмаяпти.

• 27'

  "Ювентус"нинг бу сафарги ҳужуми ноаниқ узатма туфайли тўхтаб қолди.

• 25'

  Кулусевскининг узоқ масофадан йўллаган зарбаси анча ноаниқ кетди.

• 23'

  Жарима майдони яқинида "Юве" стандарт вазиятга эга бўлди.

• 21'
  

  ГООООООООООЛЛЛЛЛЛЛЛ! Мората ҳисобни тенглаштирди!

  Кьезанинг идеал пасидан кейин Мората бўш қолган дарвозага тўпни киритди!

• 20'

  Кулусевски икки рақиби орасидан тўпни олиб ўтмоқчи бўлди. Аммо буни уддалай олмади.

• 18'
  

  Бурчакдан оширилган тўпга Мората ноаниқ зарба берди.

• 16'

  Пирло шогирдлри яхши ўйланган комбинациялар уюштирмоқда. Аммо ижрога келганда бироз оқсаяпти.

• 14'
  

  Лука Чигарини огоҳлантирилди.

• 12'
  

  ГООООООООООЛЛЛЛЛЛЛЛЛ! Сими ҳисобни очди!

  11 метрлик нуқта олдига яқинлашган ҳужумчи Буффонга имконият қолдирмади.

• 11'
  

  Бонуччига чариқ карточка кўрсатилди.

• 11'
  

  Бонуччи жарима майдонида қўполлик ишлатди. Ҳакам нуқтага ишора қилди.

• 9'

  Артур Вулич билан тўқнашиб кетди. Ҳужумда қоида бузилди.

• 7'

  "Кротоне" футболчилари рақибларини майдон бўйлаб югуришга мажбур қилмоқда.

• 5'
  

  Бурчакдан оширилган тўпни меҳмонлар қайтарди.

• 4'

  Илк дақиқалардан мезбонлар тўп назоратини қўлга олишга ҳаракат қилмоқда.

• 2'

  Симининг жарима майдони ташқарисидан йўллаган зарбасига бироз аниқлик етишмади.

• 1'
  

  Учрашув бошланди!

• 0'

  Футболчилар майдонга тушиб келмоқда. Ўйин бошланиши учун барчаси шай!