“Ювентус” Европа чемпионига таклиф жўнатди

 Corriere dello Sport нашрининг хабар беришича, “Кекса сениора” Европа лигасида ғолиб бўлган “Аталанта” етакчиси Тен Копмейнерсни сотиб олмоқчи.

Турин клуби аввалроқ, нидерландиялик футболчи учун 45 миллион евро таклиф қилган эди. Бироқ, бергамоликлар бу суммани қабул қилишмади. Эндиликда, “Ювентус” футболчи учун 50+7 миллион евро сарфламоқчи.

Копмейнерснинг ўзи май ойидаёқ “зебралар”нинг таклифини қабул қилган. Хавбек ўтган мавсум Италия чемпионатида 34 учрашувда 12 та гол ва 5 та голли узатма амалга оширган. У жароҳати туфайли Нидерландия терма жамоасига ёрдам бера олмаган эди.