“Ювентус” футболчиси автоаварияга учради

“Ювентус”нинг асосий дарвозабони Войцех Шчесни “Удинезе”га қарши ўтказилган учрашувдан сўнг, ўз автомобилида уйига қайтаётиб, автоаварияга учради.

Туринликлар биринчи тур учрашувида айнан дарвозабоннинг иккита қўпол хатоси оқибатида “Удинезе” билан очко бўлишишига тўғри келганди.

Маълумотларга қараганда, автоавария бошқа ҳайдовчининг дарвозабонга йўл бермагани оқибатида келиб чиққан. Ушбу воқеада ҳеч ким жароҳатланмади.