"Ювентус" футболчиси Шомуродовнинг жамоадошига айланиши мумкин

"Ювентус"нинг бразилиялик ярим ҳимоячиси Артур фаолиятини Италия пойтахтида давом эттириши мумкин.

Calciomercato нашри тарқатган хабарга кўра, 25 ёшли футболчи учун "Рома" ва "Лацио" клублари қизиқиш билдирмоқда. Ўз навбатида, Артур "Ювентус"да етарли ўйин амалиётига эга бўла олмаётгани туфайли жамоасини ўзгартиришга қарши эмас.

Қайд этилишича, “Рома” ҳам, “Лацио” ҳам ушбу вазиятдан фойдаланиб, ярим ҳимоячини яқинлашиб келаётган қишки трансферлар давридаёқ сотиб олмоқчи.

Артур жорий мавсум "Ювентус" сафида бор йўғи 8 та ўйинда майдонга тушди холос.