"Ювентус" футболчиси: "Штутгарт кеча биздан анча кучли эди"

"Ювентус" футболчиси Николо Фажоли Чемпионлар лигаси доирасида "Штутгарт"дан учралган мағлубиятга изоҳ берди.

"Бу қийин ўйин бўлди. Рақиб биздан жуда кучли эди ва тўпни яхши ҳаракатлантирди. Ўзимиз ҳам яхшироқ ўйнашимиз мумкин эди. Ҳа, биз бир нечта вазиятлар яратдик. Аммо уларда фойдалана олмадик. Энди буларнинг барчасини унутиб, олдинга боришимиз керак.

"Штутгарт" шиддатли футболни яхши кўришини ва тўп билан кўпроқ муомалада бўлишини билардик. Биз уларнинг турнирдаги сўнгги икки ўйинини диққат билан кўриб чиқдик ва айниқса, "Реал"га қарши ўйинлари бизда катта таассурот қолдирди. Рақибни ҳурмат қилишимиз ва уни ғалаба билан табриклашимиз керак", - деди "Ювентус" ярим ҳимоячиси.