"Yuventus" futbolchisi: "Shtutgart kecha bizdan ancha kuchli edi"

"Yuventus" futbolchisi Nikolo Fajoli Chempionlar ligasi doirasida "Shtutgart"dan uchralgan mag‘lubiyatga izoh berdi.

"Bu qiyin o‘yin bo‘ldi. Raqib bizdan juda kuchli edi va to‘pni yaxshi harakatlantirdi. O‘zimiz ham yaxshiroq o‘ynashimiz mumkin edi. Ha, biz bir nechta vaziyatlar yaratdik. Ammo ularda foydalana olmadik. Endi bularning barchasini unutib, oldinga borishimiz kerak.

"Shtutgart" shiddatli futbolni yaxshi ko‘rishini va to‘p bilan ko‘proq muomalada bo‘lishini bilardik. Biz ularning turnirdagi so‘nggi ikki o‘yinini diqqat bilan ko‘rib chiqdik va ayniqsa, "Real"ga qarshi o‘yinlari bizda katta taassurot qoldirdi. Raqibni hurmat qilishimiz va uni g‘alaba bilan tabriklashimiz kerak", - dedi "Yuventus" yarim himoyachisi.