"Ювентус" футболчиси учун "Челси" ва "Барселона" рақобатлашади

"Челси" ҳам "Ювентус" ярим ҳимоячиси Адриан Рабьо учун курашга қўшилди. Бу ҳақда Calciomercato нашри хабар тарқатмоқда.

Юқоридаги манбага кўра, "аристократлар" 26 ёшли франциялик футболчи учун "Барселона" билан рақобатлашишга тайёр. Каталонияликларда ҳам Рабьога нисбатан қизиқиш кучли.

Ўз навбатида, "кекса синьора" Туринда ўз ўйинини топа олмаётган Адрианни 20 миллион евро эвазига сотиб юборишга тайёр.

Рабьо жорий мавсум "Ювентус" сафида жами 41 та ўйинда майдонга тушди. У Ушбу ўйинларда ўз ҳисобига 3 та гол ҳамда 2 та голли узатма ёздириб қўйишга эришди.