"Ювентус" ҳам Погба билан музокараларни бошлаб юборди

Туриннинг "Ювентус" клуби ҳам ниҳоят "Манчестер Юнайтед" хавбеки Поль Погбанинг трансфери борасида ҳаракатларни бошлади.

Италиялик журналист Фабрицио Романонинг хабар беришича томонлар ўртасидаги музокаралар эндигина бошланган ва шу боис улар “Ювентус”дан бу борада расмий таклиф кутишмоқда.

Эслатиб ўтамиз, бундан аввалроқ Погба учун Мадриднинг “Реал” клуби асосий даъвогар экани ҳақида хабарлар кенг тарқалган эди.

Маълумот учун, Погба туринликлар сафида аввал ҳам тўп сурган (2012-2016). У якунланган мавсум МЮ сафида жами 47та ўйинда майдонга тушди ва ўз ҳисобига 16та гол ҳамда 11та голли узатма ёздириб қўйишга эришди.