"Ювентус" ҳужумчиси Ибрагимовичга ўринбосар бўлиши мумкин

"Ювентус" форварди Федерико Бернардески қишки трансфер ойнаси вақтида "Милан"га кўчиб ўтиши мумкин.

Футболчининг агенти Мино Райола ўзининг мижозига янги клуб излаш ишларини айнан Милан клубидан бошлади. Италиялик форвард Европа чемпионатида иштирок этиш учун "Ювентус"дан кетишни маъқул кўрмоқда.

Жорий мавсумда 15 та ўйинда майдонга тушиб, 1 та гол киритган Бернардески учун "россонерилар"дан ташқари "Тоттенхэм" ҳам қизиқиш билдирмоқда.

26 ёшли ҳужумчи "Фиорентина" клуби тарбияланувчиси ҳисобланади. У "кекса синьора" сафида 2017 йилдан буён тўп суриб келади. Унинг трансфери 20 миллион еврога баҳоланмоқда.