"Ювентус" Кенан Йилдизга йилига 6 миллион евро беришга тайёр!

"Ювентус" қанот ҳужумчиси Кенан Йилдиз билан янги шартнома имзоламоқчи. "Tuttosport" нашри хабарига кўра, Турин клуби Йилдизга йилига 6 миллион евро маош тўланадиган меҳнат шартномасини таклиф қилишга тайёр.

Бундан ташқари, шартномада бонуслар ҳам бўлади. Яқин ҳафталарда келишув амалга ошиши мумкин. 20 ёшли футболчининг амалдаги шартномаси 2029 йил ўрталарига қадар амал қилади.

Маълумот учун, Кенан "Ювентус"нинг асосий жамоасида жами 104 та ўйинда майдонга тушиб, 22 та гол урган ва 17 та голли узатмани амалга оширган.