Ads

Туриннинг “Ювентус” клуби мавсумлар оралиғида “Фиорентина” ярим ҳимоячиси Федерико Кьезани ўз таркибига қўшиб олишни режалаштирмоқда.

Италиялик журналист Жанлука Ди Марционинг хабар беришича “кекса синьора” аллақачон 21 ёшли футболчи билан шахсий келишувга эришган. Унга кўра Кьеза “Юве” билан 5 йиллик шартнома имзолайди ва йилига 5 млн евро маош олади.

Энди туринликлар фақатгина “Фиорентина” билан келишиб олишса бас.

Маълумот учун, Кьеза ўтган мавсум “бинафшаранглилар” сафида 46та ўйинда майдонга тушди ва ўз ҳисобига 13та гол ёздириб қўйишга эришди.