"Ювентус" клуби бош мураббийлигига асосий номзод маълум. У туринликлар билан қанча муддатга шартнома имзолаши ҳам аниқ
"Ювентус" клуби тез орада Андреа Пирлони истеъфога чиқариши кутилмоқда.
Туринликлар бош мураббийликка жамоанинг собиқ устозини қайтаришмоқчи. Массимилиано Аллегри "Юве"ни бошқариши мумкин. Бу ҳақда Италиядаги ОАВ хабар бермоқда.
Манбаларда ёзилишича, Аллегри "Ювентус"га қайтиб, жамоа билан 4 йиллик шартнома имзолайди. Мутахассис шу вақт оралиғида 36 миллион евро маош ишлаб топади.
Италиялик мураббий 2014-2019 йилги мавсумларда "Ювентус"га устозлик қилган ва бир нечта совринларни қўлга киритганди.
Фикрлар