"Ювентус" Локателлига янги шартнома тайёрламоқда

Туриннинг "Ювентус" клуби ярим ҳимоячи Мануэль Локателли билан хайрлашмоқчи эмас. Жамоа раҳбарияти аллақачон 25 ёшли футболчи учун янги шартнома тайёрламоқда.

Calciomercato нашри тарқатган хабарга кўра, "Ювентус" италиялик футболчига йилига 3 миллион евро маош билан 2026 йилнинг ёзига қадар шартнома таклиф қилмоқда.

«Ювентус»нинг жорий ва унчалик муваффақиятли бўлмаган мавсумида Локателли 24 та ўйинда майдонга тушди. Унинг "Ювентус" билан амалдаги шартномаси 2023 йилнинг ўрталарига қадар тузилагн. Товон пули эса 35 миллион еврони ташкил этади.

Турин клуби айнди дамда А Серия мусобақа жадвалида 23 очко билан 13-ўринда бормоқда.