"Ювентус" Матюидини таркибда олиб қолади

Туриннинг "Ювентус" клуби франциялик ярим ҳимоячи Блез Матюиди билан шартномани узайтирмоқчи.

Football Italia нашри тарқатган хабарга кўра “кекса синьора” 32 ёшли футболчига 2021 йилга қадар тузилган янги шартнома таклиф қилади.

Таъкидлаш керакки, Матюидини шахсан жамоа бош мураббийи Маурицил Сарри таркибда олиб қолмоқчи. Унинг клуб билан амалдаги шартномаси жорий мавсум якунида ўз ниҳоясига етади.

Маълумот учун, Матюиди “Ювентус”да 2021 йилдан буён тўп суриб келмоқда. У жорий мавсум 14 та ўйинда майдонга тушди ва 1 та гол уришга эришди.