“Yuventus” “Milan”dan uchta gol egan darvozabondan voz kechadi

“Yuventus” rahbariyati yozgi transferlar vaqtida asosiy darvozaboni Voytsex Shchensnini transferga qo‘yishga qaror qildi.

Turinliklar mavsum yakunlanganidan keyin “Milan” posboni Janluiji Donnarummani olib kelmoqchi. O‘z navbatida, “Milan” o‘zi tarbiyalagan darvozabonni yangi shartnomaga ko‘ndira olmadi va yozda qo‘yib  yuborishga majbur.

Polshalik darvozabonga ayni paytda Angliya va Germaniyadan aniq takliflar bor. Ilgari bir necha mavsum davomida “Arsenal” darvozasini qo‘riqlagan Shchensnini bu gal “Tottenxem” Londonga qaytarmoqchi.

Shuningdek, “Borussiya” klubi ham polshalik darvozabonni Dortmundga kelishini kutmoqda.