“Ювентус” “Милан”дан учта гол еган дарвозабондан воз кечади

“Ювентус” раҳбарияти ёзги трансферлар вақтида асосий дарвозабони Войцех Шченснини трансферга қўйишга қарор қилди.

Туринликлар мавсум якунланганидан кейин “Милан” посбони Жанлуижи Доннаруммани олиб келмоқчи. Ўз навбатида, “Милан” ўзи тарбиялаган дарвозабонни янги шартномага кўндира олмади ва ёзда қўйиб  юборишга мажбур.

Польшалик дарвозабонга айни пайтда Англия ва Германиядан аниқ таклифлар бор. Илгари бир неча мавсум давомида “Арсенал” дарвозасини қўриқлаган Шченснини бу гал “Тоттенхэм” Лондонга қайтармоқчи.

Шунингдек, “Боруссия” клуби ҳам польшалик дарвозабонни Дортмундга келишини кутмоқда.