"Ювентус" ўз сафига ПСЖнинг икки футболчисини қўшиб олмоқчи

Франциянинг ПСЖ клуби ярим ҳимоячиси Блез Матуиди ва жамоа ҳимоячиси Серж Орьелар “Ювентус” клубининг жиддиц қизиқишларига сабаб бўлмоқда. Бу ҳақда Sky Sport Italia нашри хабар бермоқда.

Маълумотларга кўра туринликлар мавсумлар оралиғида ўзларининг ўрта чизиғини кучайтиришни режалаштиришган. Бу борада Матуиди асосий номзод сифатида тилга олинмоқда.

Бундан ташқари “Юве” парижликлар ҳимоячиси Орьени ҳам кўз остига олиб қўйган. Агар, “кекса синьора” “Реал” ҳимоячиси Данилони қўлга кирита олмаса, у ҳолда туринликлар ҳимоячиси учун кураш бошлайди.

Маълумот учун, Орье ўтган мавсум Франция чемпионатида жами 22та учрашувда майдонга тушган бўлса, Матиуди 34та баҳсда иштирок этган.

Фикрлар

Фикр қолдириш учун авторизациядан ўтинг!