"Yuventus" Pogba uchun 4 nafar futbolchisidan voz kechishga tayyor

Turinning “Yuventus” klubi hamon “Manchester Yunayted” xavbeki Pol Pogbani sotib olish fikridan qaytmayapti.

Tuttosport nashrining xabar berishicha “keksa sinora” 26 yoshli frantsuzni qo‘lga kiritish uchun o‘zining 4 nafar futbolchisidan voz kechishga tayyor. Gap Daniele Rugani, Bleze Matuidi, Emre Jan va Mario Manjukichlar haqida ketmoqda. Ulardan biri xatto Pogba transferi qatorida MYuga yo‘l olishi ham mumkin.

Eslatib o‘tamiz, Pogba uchun “Yuventus” begona emas. Boisi, u 2012-2016 yillarda ushbu jamoa sharafini himoya qilgan.