"Ювентус" Погбани сотиб олиш фикридан қайтиши мумкин

"Ювентус" клуби раҳбарияти агар ПСЖ ярим ҳимоячиси Адриен Рабьо ва "Аякс" ҳимоячиси Матейс де Лигтни қўлга киритса, “Манчестер Юнайтед” хавбеки Поль Погбанинг трансферидан воз кечиши мумкин. Бу ҳақда Football Italia нашри хабар тарқатмоқда.

Гап шундаки, агар туринликлар 70 миллион евродан қимматга баҳоланаётган 19 ёшли голландиялик футболчини харид қилишса, у ҳолда франциялик юлдуз учун уларда етарли маблағ қолмайди.

Эслатиб ўтамиз, Погба учун шунингдек “Реал” ва ПСЖ ҳам қизиқиш билдирмоқда.