"Ювентус" Погбани сотиб олиш учун Adidas'дан кўмак сўрамоқда

Туриннинг "Ювентус" клуби ҳамон "Манчестер Юнайтед" хавбеки Поль Погбани сотиб олиш борасида ишларни давом эттирмоқда.

Corriere dello Sport нашрининг хабар беришича “кекса синьора” 26 ёшли франциялик футболчини сотиб олиш масаласида Adidas компаниясидан кўмак сўрамоқда. Ўз навбатида туринликларнинг техник ҳамкори ҳисобланган немис компанияси ҳам Погбани “Юве”га қайтаришга қизиқиш билдирмоқда.

Эътиборлиси, Погба учун “Реал” Мадрид ҳам даъвогарлик қилмоқда. Таъкидлаш керакки, “қироллик клуби” ҳам Adidas билан ҳамкорлик қилади.