"Ювентус" қишда Депай ёки Миликни сотиб олади

“Ювентус” жорий қишки трансферлар даврида ўзининг ҳужум чизиғини кучайтиришни режалаштирмоқда.

Tuttosport нашри тарқатган хабарга қараганда, туринликлар спорт директори Фабио Паратичи бу борада иккита вариантни кўриб чиқмоқда. Булар Мемфис Депай («Лион») ва Аркадиуш Миликдир («Наполи»).

Юқорида тилга олинган футболчиларнинг клуб билан амалдаги шартномалари мавсум охирида ўз ниҳоясига етади. “Наполи” Миликни 18 млн еврога, “Лион” эса Депайни 5 млн еврога баҳоламоқда.

26 ёшли Депай жорий мавсум Испания чемпионатида 16 та ўйинда майдонга тушди ва ўз ҳисобига 8 та гол ҳамда 4 та голли узатма ёздириб қўйди. 26 ёшли Милик август ойидан буён майдонга тушгани йўқ.