"Ювентус" Рабьога 7 миллион евро маош таклиф қилмоқда

ПСЖ клуби ярим ҳимоячиси Адриен Рабьо ҳозирча ўзининг шахсий шартнома бўйича талабини ўзгартиргани йўқ.

Берилган маълумотларга кўра 24 ёшли франциялик футболчи 5 йиллик шартнома ва йилига 10 млн евро маош хоҳламоқда. Бундан ташқари, футболчининг онаси ва бир вақтнинг ўзида агенти ҳисобланган Вероника эса унинг бўлажак трансферидан 10 миллион эвро хизмат ҳақи олмоқчи.

Унга ҳозирча энг яхши таклифни “Ювентус” билдирмоқда. Туринликлар Рабьога йилига 7 млн евро маош ва 5 йиллик шартнома таклиф қилишмоқда. Бундан ташқари бонуслар ҳам бор.

Эслатиб ўтамиз, Рабьо ой охиригача парижликлар билан шартномасини узайтирмаса, эркин агентга айланади.

Фикрлар

Фикр қолдириш учун авторизациядан ўтинг!