"Ювентус" "распродажа" эълон қилди

"Ювентус" раҳбарияти жамоа таркибини янгилаш вариантини кўриб чиқмоқда.

"La Gazzetta dello Sport" нашри тарқатган хабарга кўра, туринликлар сафини 5 нафар футболчи тарк этиши кутиляпти. Булар - Алекс Сандро, Хуан Куадрадо, Ардиер Рабьо, Уэстон МакКенни ҳамда Леандро Паредес.

Манбанинг таъкидлашича, "кекса сеньора" ушбу ўйинчилар билан хайрлашса, кейингина янги футболчи харид қилиши мумкин. 

"Юве" Италия А Серияси 18-туридан кейин 37 очко билан турнир жадвалида учинчи поғонада бормоқда. Аллегри шогирдлари пешқадам "Наполи"дан 13 очко ортда боряпти.