"Ювентус" Роналду билан шартномани узайтирмайди. Сабаб нима?

Sky Sports тарқатган хабарга қараганда, "Ювентус" раҳбарияти юқори маош туфайли ҳужумчи Криштиану Роналду билан шартномани узайтирмоқчи эмас.

Таъкидлаш керакки, 36 ёшли португалиялик футболчининг “кекса синьора” билан тузган амалдаги шартномаси яна бир йилдан сўнг ўз ниҳоясига етади. Ушбу келишувга кўра, Роналду "Юве"дан йилига 31 млн евро маош олмоқда.

Роналду ўтган мавсум А Серияда 29 та гол урди ва чемпионатнинг энг яхши тўпурари бўлди.

Эслатиб ўтамиз, “Ювентус” Роналдуни 2018 йил “Реал”дан харид қилган эди.

Фикрлар

Фикр қолдириш учун авторизациядан ўтинг!