“Ювентус” Роналдуга нарх белгилади, “Сити” шунча тўлашга тайёрми?

Криштиану Роналду ёзги трансферлар якунлангунга қадар янги жамоага ўтиб кетишни истамоқда. Португалиялик юлдуз тўпурар ҳужумчига эҳтиёж сезаётган “Манчестер Сити”га ўтмоқчи бўляпти.

“Ювентус” шартномаси яна бир йил давом этадиган ҳужумчини тезроқ сотиб юбормоқчи. Клуб раҳбарияти харидорни қочирмаслик учун Роналдуни 25-30 миллион еврога қўйиб юборишга тайёр.

“Манчестер Сити” эса 36 ёшли футболчига бунча тўлашга рози бўлмади. Қолаверса, “шаҳарликлар” ҳамон Ҳарри Кейн трансферидан умид узгани йўқ.

Ёзги трансфер ойнасининг сўнгги кунлари жуда қизғин ўтадиган кўринади.