“Ювентус” Роналдуга қарам эмас!

“Ювентус” вице-президенти Павел Недвед жамоанинг ўйини Роналдуга боғланиб қолгани ҳақидаги иддаоларни рад этди.

- Роналду фаолиятидаги 750-голни урди, лекин “Ювентус” унга қараб қолмаган. Дунёнинг ҳар бир клуби Криштианудек футболчиси бўлишни орзу қилади. Унинг майдонда борлиги худди Бонуччи, Кьеллини ва Буффон каби қолганларга ишонч бағишлайди, - деди Недвед.

Роналду жорий мавсумда еттита учрашувда тўққизта гол урди. А Серияда португалиялик ҳужумчи майдонга тушмаган учта учрашувда туринликлар ғалаба қозона олмади.