“Ювентус” шошилинч сўров юборди

“Ювентус” раҳбарияти “Астон Вилла” ярим ҳимоячиси Дуглас Луис трансфери бўйича иш бошлашга қарор қилди.

22 ёшли бразилиялик футболчини Хосеп Гвардиола ҳам ўз жамоасига олиб ўтмоқчи. Испаниялик мутахассис Луис “Манчестер Сити”даги фаолияти  фаолияти якунланиб бораётган Фернандиньонинг ўрнига Луисни ўйнатмоқчи эканини яширмаяпти

Туринликлар истеъдодли ярим ҳимоячини қўлдан чиқармаслик учун “Астон Вилла”га трансфер сўровини юборди. Инглизлар бу ўйинчисини 32 миллион еврога баҳоламоқда.

Англия премьер-лигасига икки мавсум олдин “Васко да Гама”дан олиб келинган Дуглас Луис шу кунгача 45 та учрашувда майдонга тушиб, учта гол урди ва шунча голли пас муаллифи бўлди.