“Ювентус” супертрансферга ишонмоқда

“Ювентус” клуби раҳбарияти “Милан”ни эркин агент сифатида тарк этган Жанлуижи Доннарумма Туринга келишига ишонмоқда.

Айни пайтда Италия терма жамоасининг биринчи рақамли дарвозабони фаолиятини қаерда давом эттириш бўйича турли клублар билан музокара ўтказмоқда.

Туринликлар эса, Доннарумма “Манчестер Юнайтед”, “Барселона”, “Челси”клублар таклифига қарамай, “Ювентус”ни танлашини кутмоқда.  

Маълумотларда айтилишича, “Ювентус” мутасаддилари 22 ёшли дарвозабоннинг ўзи ва агенти Мино Рауола билан анча аввал шартнома шартларини келишиб қўйган экан. Унга кўра, Доннарумма 2026 йилгача давом этадиган битим ва йилига 10 миллион евро маош олади.