"Ювентус" ва "Арсенал" қишда ўзаро футболчи алмашишлари мумкин

Туриннинг "Ювентус" клуби "Арсенал" билан ўзаро футболчи алмаштириш режасини ўйлаб кўрмоқда. Бу ҳақда Calciomercato нашри хабар тарқатмоқда.

Юқоридаги манбаага кўра лондонликлар “кекса синьора” ҳимоячиси Мерих Демиралга жиддий қизиқиш билдира бошлашган. Бунинг эвазига “канонирлар” Турин супер клубига испаниялик футболчиси Эктор Бельеринни беришга тайёр. Таъкидлаш керакки, ҳар иккала футболчи ҳам айни дамда ўз жамоасида асосий таркиб футболчиси ҳисобланмайди.

Маълумот учун, 21 ёшли Демирел жорий мавсум “Ювентус” сафида бор йўғи 1 та ўйинда майдонга тушди холос. 24 ёшли Бельерин эса 8 та ўйинда майдонга тушиб, 2 та голли узатмага муаллифлик қилди.